Romina - Eh (sospiro)! So' adrè che 'spète!
Filomena - Cosa spètet, Romina?!
Romina - Eh, spète che végne i dé de festa, co' l'atmosfera de Nedàl!...
Filomena - Cosa dižet!? Cun töt quél che i ga fat? En di ültim dè gh’è
stat i banchét de Nedàl con töt i fiur, le baline decurade, le
siste de regal. Ghera castagne e vin brulé per scaldàs...
Romina - Sé, l’è véra...
Filomena - ..e po’ i gh’ha dervit la farmacia veterinaria che l’è diventada
töta nøa con i prudot d’erboristeria e chele robe lé. Gh’era de
mangià e beér con en sac de persùne!..
Romina - Sé, sé, l’è véra!
Filomena - ..e a proposit de mangià ... set che i gh’ha dervit la traturia nøa,
lè al post dèla Lina vižì ala ciésa? E i m’ha dit che iè brai e se
mangia anche bè...!
Romina - Ma sé, l’è vera... ma manca amo’ quèl ...
El par mìa gnamo' Nedal!...
Filomena - Cosa manca amò? Cosa ‘ntendet?
Romina - Ma le lüžine! Le lüžine per la via del paes!
Finchè le lüžine iè mia töte 'tacade el Nedàl l'è mìa Nedàl!
Ghè pasà Santa Lüsia
la nef la manca mia
Ghè presepi e capanine...
...'spetòm apena le lüžine
Romina e Filomena
